Politika e Qirasë

1Hyrje

Kjo Politikë e Qirasë shpjegon rregullat operacionale për rezervimin, marrjen, përdorimin dhe kthimin e produkteve të dhëna me qira përmes Perdore.app.

Kjo Politikë është pjesë përbërëse e Kushteve të Përdorimit dhe duhet të lexohet së bashku me to. Për rregullat e përgjithshme të platformës (llogaria, verifikimi, sjellja, përmbajtja, produktet e ndaluara, pezullimi i llogarisë), lexoni Kushtet e Përdorimit.

Duke dërguar kërkesë për rezervim, duke pranuar një rezervim, duke dorëzuar produktin, duke pranuar produktin, duke e kthyer produktin ose duke përdorur funksionet e qirasë në Platformë, përdoruesi pranon këtë Politikë të Qirasë.

Kjo Politikë është hartuar për të rritur qartësinë, sigurinë dhe përgjegjësinë ndërmjet qiradhënësit dhe qiramarrësit, në përputhje me parimet e ligjeve në fuqi në Republikën e Kosovës, përfshirë rregullat e përgjithshme të marrëdhënieve kontraktuale dhe detyrimore.

2Përkufizime

Në këtë Politikë:

3Roli i Perdore.app në procesin e qirasë

Marrëveshja e qirasë krijohet drejtpërdrejt ndërmjet qiradhënësit dhe qiramarrësit. Perdore.app nuk është pronare e produkteve të publikuara nga përdoruesit dhe nuk i kontrollon fizikisht produktet para çdo qiraje.

Gjatë procesit të qirasë, Platforma mund të ofrojë mjete ndihmëse si:

• kërkesë rezervimi;
• komunikim ndërmjet palëve;
• fotografi të gjendjes së produktit para marrjes me qira dhe pas kthimit të tij;
• konfirmim të dorëzimit dhe kthimit;
• evidencë të veprimeve;
• raportime dhe vlerësime;
• ndihmë në shqyrtimin e mosmarrëveshjeve.

Si pjesë e procesit të qirasë, palët mund të dokumentojnë gjendjen e produktit me fotografi: para marrjes me qira (kur produkti i dorëzohet qiramarrësit) dhe pas kthimit të produktit (kur produkti i kthehet qiradhënësit). Këto fotografi ndihmojnë në krahasimin e gjendjes përpara dhe pas qirasë dhe mund të përdoren si dëshmi në rast mosmarrëveshjeje.

Perdore.app nuk garanton në mënyrë absolute cilësinë, sigurinë, funksionalitetin, vlerën ose ligjshmërinë e çdo produkti të publikuar nga përdoruesit.

Roli i përgjithshëm i Perdore.app dhe kufizimi i plotë i përgjegjësisë përshkruhen në Kushtet e Përdorimit.

4Kërkesa për rezervim

Qiramarrësi mund të dërgojë kërkesë për rezervim duke zgjedhur produktin, datat dhe periudhën e dëshiruar të qirasë.

Dërgimi i kërkesës nuk nënkupton automatikisht pranim të rezervimit. Qiradhënësi ka të drejtë ta pranojë ose ta refuzojë kërkesën.

Rezervimi konsiderohet i pranuar vetëm pasi qiradhënësi e konfirmon atë përmes Platformës ose përmes mekanizmave të përcaktuar nga Perdore.app.

Para dërgimit të kërkesës, qiramarrësi duhet të lexojë me kujdes:

• përshkrimin e produktit;
• çmimin;
• depozitën, nëse aplikohet;
• datat e disponueshmërisë;
• rregullat e përdorimit;
• kushtet e veçanta të qiradhënësit;
• gjendjen e deklaruar të produktit.

Qiramarrësi është përgjegjës të sigurohet që produkti i përshtatet nevojës së tij para se të dërgojë kërkesë.

5Pranimi ose refuzimi i rezervimit

Qiradhënësi mund të pranojë ose refuzojë një kërkesë rezervimi sipas disponueshmërisë së produktit, rrezikut të vlerësuar, historikut të përdoruesit, gjendjes së produktit ose arsyeve të tjera të arsyeshme.

Qiradhënësi nuk duhet të refuzojë kërkesa në mënyrë diskriminuese, abuzive ose në kundërshtim me ligjin.

Nëse qiradhënësi pranon rezervimin, palët duhet të koordinojnë dorëzimin dhe kthimin e produktit brenda Platformës, sa më shumë që është e mundur, për të ruajtur evidencë të qartë.

6Çmimi i qirasë

Çmimi i qirasë përcaktohet nga qiradhënësi dhe shfaqet në faqen e produktit.

Çmimi mund të jetë:

• për ditë;
• për periudhë të caktuar;
• me zbritje për ditë të shumta;
• me kushte të veçanta të vendosura nga qiradhënësi ose Platforma.

Qiramarrësi duhet ta kontrollojë çmimin para se të dërgojë kërkesën.

Çdo marrëveshje shtesë për çmim, ditë shtesë, vonesë, kompensim ose shpenzim tjetër duhet të jetë e qartë dhe, kur është e mundur, të dokumentohet brenda Platformës.

7Depozita

Qiradhënësi mund të kërkojë depozitë si garanci për dëmtime, humbje, vjedhje, vonesë ose moskthim të produktit.

Depozita, nëse aplikohet, duhet të shfaqet qartë në faqen e produktit ose të komunikohet qartë para dorëzimit.

Aktualisht, depozita jepet dhe kthehet drejtpërdrejt ndërmjet qiradhënësit dhe qiramarrësit. Perdore.app nuk e mban, nuk e proceson, nuk e administron dhe nuk e garanton depozitën, derisa Platforma të ofrojë zyrtarisht procesimin e pagesave.

Depozita mund të mbahet pjesërisht ose tërësisht nga qiradhënësi vetëm kur ekziston arsye e bazuar, si:

• dëmtim i produktit;
• mungesë e aksesorëve;
• kthim me vonesë;
• pastrim ose riparim i nevojshëm;
• humbje e produktit;
• moskthim i produktit;
• shkelje e rregullave të përdorimit.

Qiradhënësi duhet të jetë në gjendje të arsyetojë mbajtjen e depozitës me dëshmi, si fotografi, mesazhe, vlerësim riparimi ose dokumentacion tjetër të arsyeshëm.

8Pagesat

Aktualisht, Perdore.app nuk kërkon dhe nuk proceson pagesë paraprake përmes Platformës. Pagesa e qirasë bëhet drejtpërdrejt ndërmjet palëve (p.sh. cash në dorëzim), përveç rasteve kur Platforma e proceson pagesën zyrtarisht.

Kur pagesa bëhet jashtë Platformës, palët janë vetë përgjegjëse për kryerjen, dokumentimin dhe konfirmimin e pagesës. Perdore.app nuk mban përgjegjësi për pagesa cash, transfere bankare, depozita ose pagesa të tjera që bëhen drejtpërdrejt ndërmjet përdoruesve.

Palët rekomandohet të ruajnë dëshmi të pagesës, si:

• faturë;
• mesazh konfirmues;
• transfer bankar;
• screenshot;
• dëshmi të pranimit të pagesës;
• konfirmim brenda Platformës.

Komisionet dhe tarifat e Platformës rregullohen sipas Kushteve të Përdorimit.

9Marrja e produktit

Para dorëzimit, qiradhënësi dhe qiramarrësi duhet të kontrollojnë produktin së bashku, kur kjo është e mundur.

Rekomandohet që para marrjes të kontrollohen:

• gjendja fizike e produktit;
• funksionaliteti bazë;
• defektet ekzistuese;
• aksesorët e përfshirë;
• numri i pjesëve;
• bateria, kabllot, kutitë, çantat ose elementet përcjellëse;
• rregullat e përdorimit;
• data dhe ora e kthimit.

Palët duhet të bëjnë fotografi ose video të produktit para dorëzimit, sidomos për produkte me vlerë më të lartë.

Nëse Platforma kërkon ngarkim të fotografive, palët duhet t'i ngarkojnë ato në mënyrë të saktë dhe në kohë.

10Pranimi i produktit nga qiramarrësi

Qiramarrësi duhet ta kontrollojë produktin në momentin e pranimit.

Nëse produkti nuk përputhet me përshkrimin, ka defekte të padeklaruara, mungojnë pjesë ose nuk është funksional, qiramarrësi duhet ta raportojë menjëherë problemin te qiradhënësi dhe, kur është e nevojshme, në Platformë.

Nëse qiramarrësi e pranon produktin pa raportuar problem brenda një afati të arsyeshëm, konsiderohet se produkti është pranuar në gjendje të pranueshme, përveç rasteve kur problemi ka qenë i fshehur dhe nuk ka mundur të vërehet menjëherë.

11Përdorimi i produktit

Qiramarrësi duhet ta përdorë produktin me kujdes, sipas qëllimit normal dhe sipas udhëzimeve të qiradhënësit ose prodhuesit.

Qiramarrësi nuk lejohet:

• ta përdorë produktin për aktivitete të paligjshme;
• ta përdorë produktin jashtë qëllimit normal;
• ta japë produktin te persona të tretë pa leje;
• ta dëmtojë qëllimisht ose nga pakujdesia;
• ta modifikojë, hapë, çmontojë ose riparojë pa leje;
• ta shesë, lërë peng, tjetërsojë ose mbajë;
• ta përdorë në ambiente të rrezikshme, nëse produkti nuk është i përshtatshëm për këtë;
• ta përdorë në mënyrë që rrezikon persona, pronë ose vetë produktin.

Qiramarrësi mban përgjegjësi për dëmet që shkaktohen gjatë periudhës së qirasë, përveç rasteve kur dëmi vjen nga defekt i mëparshëm i padeklaruar ose nga konsumimi normal i arsyeshëm.

12Konsumimi normal dhe dëmtimi

Konsumimi normal nënkupton shenja të zakonshme të përdorimit të kujdesshëm, të cilat priten nga përdorimi i rregullt i produktit për periudhën e qirasë.

Dëmtim konsiderohet çdo ndryshim, prishje, thyerje, humbje, mungesë ose defekt që tejkalon konsumimin normal.

Shembuj të dëmtimit mund të jenë:

• thyerje;
• gërvishtje të thella;
• humbje e pjesëve;
• dëmtim nga uji;
• dëmtim nga rënia;
• djegie ose prishje elektronike nga përdorim i gabuar;
• ndotje e rëndë;
• mungesë e aksesorëve;
• mosfunksionim pas përdorimit jo të rregullt.

Në rast kontesti, palët duhet të përdorin fotografitë para dhe pas qirasë, komunikimet dhe dëshmitë tjera për të krahasuar gjendjen.

13Kthimi i produktit

Qiramarrësi duhet ta kthejë produktin:

• në datën dhe orën e dakorduar;
• në vendin e dakorduar;
• në gjendjen në të cilën është marrë, duke marrë parasysh konsumimin normal;
• me të gjithë aksesorët dhe pjesët e përfshira;
• të pastër dhe të përdorshëm, përveç nëse është dakorduar ndryshe.

Qiradhënësi duhet ta kontrollojë produktin në momentin e kthimit dhe të raportojë menjëherë çdo problem.

Nëse qiradhënësi e pranon kthimin pa raportuar problem brenda një afati të arsyeshëm, konsiderohet se produkti është kthyer në gjendje të pranueshme, përveç rasteve kur dëmi është i fshehur dhe nuk ka mundur të vërehet menjëherë.

14Vonesa në kthim

Nëse qiramarrësi nuk e kthen produktin në kohën e dakorduar, ai mund të jetë përgjegjës për:

• pagesë shtesë për kohën e vonuar;
• kompensim për humbje të rezervimeve të tjera;
• shpenzime të arsyeshme të qiradhënësit;
• mbajtje të pjesshme ose të plotë të depozitës, nëse aplikohet;
• masa të tjera sipas Kushteve të Përdorimit dhe ligjit në fuqi.

Qiramarrësi duhet ta njoftojë qiradhënësin sa më shpejt nëse e di se do të vonohet.

Vonesa e pajustifikuar ose moskomunikimi mund të konsiderohet shkelje serioze e kësaj Politike.

15Humbja, vjedhja ose moskthimi i produktit

Nëse produkti humbet, vidhet ose nuk kthehet, qiramarrësi duhet ta njoftojë menjëherë qiradhënësin dhe Platformën.

Qiramarrësi mund të jetë përgjegjës për:

• vlerën e produktit;
• zëvendësimin e produktit;
• riparimin ose kompensimin e dëmit;
• humbjen e të ardhurave nga qiradhënësi;
• shpenzimet e arsyeshme për rikuperim;
• shpenzime ligjore ose administrative, kur aplikohen.

Në raste të dyshimta, qiradhënësi ose Platforma mund të rekomandojnë paraqitjen e rastit te autoritetet kompetente.

16Raportimi i dëmeve

Nëse produkti dëmtohet gjatë qirasë, qiramarrësi duhet ta raportojë menjëherë dëmin dhe të mos tentojë ta fshehë atë.

Raportimi duhet të përfshijë, kur është e mundur:

• përshkrim të dëmit;
• fotografi ose video;
• kohën kur ka ndodhur dëmi;
• rrethanat e dëmit;
• çdo dëshmi tjetër relevante.

Qiradhënësi duhet të veprojë në mënyrë të arsyeshme dhe të mos kërkojë kompensim të tepruar ose të pabazuar.

Kompensimi duhet të jetë proporcional me dëmin real, vlerën e produktit, koston e riparimit ose humbjen e arsyeshme të shkaktuar.

17Anulimet

Qiramarrësi mund ta anulojë kërkesën për rezervim para se ajo të pranohet nga qiradhënësi.

Pas pranimit të rezervimit, anulimi duhet të komunikohet sa më shpejt me palën tjetër.

Në rast anulimi pas pranimit, mund të aplikohen pasoja të arsyeshme, varësisht nga:

• koha e anulimit;
• arsyeja e anulimit;
• dëmi i shkaktuar palës tjetër;
• rezervimet e humbura;
• marrëveshja mes palëve;
• rregullat e Platformës.

Perdore.app mund të vlerësojë rastet individualisht kur ka raportim për abuzim, anulime të përsëritura ose sjellje të padrejtë.

18Mosparaqitja

Mosparaqitje konsiderohet kur njëra palë nuk paraqitet në kohën dhe vendin e dakorduar pa njoftim të arsyeshëm.

Në rast mosparaqitjeje:

• pala tjetër duhet të dokumentojë situatën;
• rekomandohet të ruhet komunikimi në Platformë;
• mund të bëhet raportim në Platformë;
• mund të aplikohen masa ndaj përdoruesit që nuk është paraqitur;
• mund të ndikojë në vlerësime ose besueshmëri të profilit.

Mosparaqitjet e përsëritura mund të çojnë në kufizim ose pezullim të llogarisë.

19Mosmarrëveshjet ndërmjet palëve

Në rast mosmarrëveshjeje, palët duhet fillimisht të tentojnë zgjidhje miqësore.

Palët duhet të përdorin dëshmi si:

• fotografi para dorëzimit;
• fotografi pas kthimit;
• mesazhe brenda Platformës;
• dëshmi pagese;
• dëshmi të depozitës;
• faturë riparimi;
• vlerësim profesional të dëmit;
• dëshmi të dorëzimit dhe kthimit.

Perdore.app mund të ndihmojë në shqyrtimin e rastit duke analizuar informacionet e disponueshme, por nuk është gjykatë, arbitër zyrtar ose autoritet shtetëror.

Nëse mosmarrëveshja nuk zgjidhet, palët ruajnë të drejtën t'i drejtohen gjykatave, policisë ose autoriteteve kompetente të Republikës së Kosovës.

20Komunikimi brenda Platformës

Për siguri dhe transparencë, palët rekomandohet të mbajnë komunikimin brenda Platformës.

Komunikimi brenda Platformës ndihmon në:

• dokumentimin e marrëveshjes;
• sqarimin e kushteve;
• verifikimin e datave;
• zgjidhjen e kontesteve;
• parandalimin e mashtrimeve;
• ruajtjen e gjurmëve të qarta.

Nëse palët zgjedhin të komunikojnë jashtë Platformës, Perdore.app mund të ketë mundësi të kufizuar për të ndihmuar në rast mosmarrëveshjeje.

21Fotografitë dhe dëshmitë e gjendjes

Perdore.app mund të kërkojë ose rekomandojë ngarkimin e fotografive para dorëzimit dhe pas kthimit.

Këto fotografi mund të përdoren për:

• krahasimin e gjendjes së produktit;
• vërtetimin e dëmeve;
• mbrojtjen e qiradhënësit dhe të qiramarrësit;
• shqyrtimin e raportimeve;
• zgjidhjen e mosmarrëveshjeve;
• mbrojtjen ligjore të palëve dhe Platformës.

Përdoruesit duhet të shmangin ngarkimin e të dhënave të panevojshme personale në fotografi, si dokumente private, fytyra të personave të tretë ose informacione sensitive.

Për privatësinë dhe përpunimin e fotografive, mesazheve dhe të dhënave të verifikimit, lexoni Politikën e Privatësisë.

22Produktet me vlerë të lartë

Për produkte me vlerë më të lartë, qiradhënësi mund të kërkojë kushte shtesë të arsyeshme, si:

• depozitë më të lartë;
• verifikim identiteti;
• fotografi të gjendjes;
• dorëzim në vend publik;
• konfirmim të aksesorëve;
• marrëveshje të qartë për përgjegjësi;
• dëshmi të pagesës.

Qiramarrësi duhet t'i lexojë dhe pranojë këto kushte para marrjes së produktit.

23Produkte që kërkojnë kujdes të veçantë

Disa produkte mund të kërkojnë aftësi, kujdes ose udhëzime të veçanta për përdorim.

Kjo mund të përfshijë, por nuk kufizohet në:

• pajisje elektronike;
• kamera;
• dronë;
• vegla pune;
• pajisje audio/video;
• pajisje sportive;
• pajisje për evente;
• produkte të ndjeshme ndaj ujit, goditjes ose temperaturës.

Qiramarrësi është përgjegjës të pyesë për udhëzimet e përdorimit dhe të mos e përdorë produktin nëse nuk di ta përdorë në mënyrë të sigurt.

Qiradhënësi duhet të japë udhëzime të qarta për përdorimin normal dhe kufizimet e produktit.

24Produkte të ndaluara

Lista e produkteve të ndaluara dhe rregullat e publikimit përcaktohen në Kushtet e Përdorimit.

Perdore.app mund të largojë listime të ndaluara pa paralajmërim dhe, kur është e nevojshme, të njoftojë autoritetet kompetente.

25Siguria gjatë dorëzimit dhe kthimit

Palët janë përgjegjëse për sigurinë e tyre gjatë takimeve fizike.

Rekomandohet që dorëzimi dhe kthimi të bëhen:

• në vende publike;
• në zona të ndriçuara;
• në orare të përshtatshme;
• në vende të sigurta;
• me komunikim të qartë paraprak;
• pa dhënë më shumë të dhëna personale se sa është e nevojshme.

Perdore.app nuk mban përgjegjësi për incidente fizike, konflikte, aksidente, kërcënime, vjedhje ose situata jashtë kontrollit të saj, përveç kur përgjegjësia nuk mund të përjashtohet sipas ligjit.

26Vlerësimet pas qirasë

Pas përfundimit të qirasë, palët mund të japin vlerësim për njëra-tjetrën. Vlerësimet duhet të jenë të vërteta, të bazuara në përvojë reale dhe të shkruara me respekt.

Rregullat e plota për vlerësimet dhe raportimet përcaktohen në Kushtet e Përdorimit.

27Masa ndaj përdoruesve

Shkelja e kësaj Politike mund të çojë në masa sipas Kushteve të Përdorimit: nga paralajmërimi dhe fshehja e listimit, deri te pezullimi ose mbyllja e llogarisë dhe, kur është e nevojshme, raportimi te autoritetet kompetente.

Masa merret në bazë të natyrës së shkeljes, dëmit të shkaktuar, rrezikut për përdoruesit dhe historikut të llogarisë.

28Kufizimi i përgjegjësisë në procesin e qirasë

Marrëveshja e qirasë lidhet drejtpërdrejt ndërmjet qiradhënësit dhe qiramarrësit. Në masën maksimale të lejuar nga ligji, Perdore.app nuk mban përgjegjësi në veçanti për:

• cilësinë e produktit dhe defektet e padeklaruara nga qiradhënësi;
• përdorimin e gabuar nga qiramarrësi;
• dëmtimin, humbjen, vjedhjen ose moskthimin e produktit;
• pagesat ose depozitat e bëra jashtë Platformës;
• takimet fizike ndërmjet palëve.

Kufizimi i plotë i përgjegjësisë përcaktohet në Kushtet e Përdorimit. Asgjë në këtë Politikë nuk përjashton përgjegjësinë që nuk mund të përjashtohet sipas ligjit në fuqi në Republikën e Kosovës.

29Raportimi në Platformë

Përdoruesit duhet të raportojnë menjëherë çdo problem serioz, si:

• mashtrim;
• produkt i vjedhur;
• moskthim i produktit;
• dëmtim i rëndë;
• kërcënim;
• sjellje e rrezikshme;
• kërkesë e dyshimtë;
• shkelje e ligjit;
• shkelje e Kushteve të Përdorimit.

Raportimet mund të bëhen përmes funksioneve të Platformës ose në emailin: info@perdore.app.

30Privatësia në procesin e qirasë

Për funksionimin e qirasë, Perdore.app përpunon të dhëna si mesazhet, fotografitë e gjendjes, të dhënat e rezervimit dhe dëshmitë e pranimit të kushteve, për qëllime si realizimi i rezervimit, siguria, parandalimi i mashtrimit dhe zgjidhja e kontesteve.

Për detajet e përpunimit të të dhënave personale, lexoni Politikën e Privatësisë.

31Lidhja me dokumentet e tjera

Kjo Politikë duhet të lexohet së bashku me:

• Kushtet e Përdorimit, që mbulojnë rregullat e përgjithshme të platformës;
• Politikën e Privatësisë, që mbulon përpunimin e të dhënave personale;
• Politikën e Cookies, që mbulon cookies dhe teknologjitë e gjurmimit;
• rregullat specifike të produktit dhe çdo marrëveshje ose pëlqim të dhënë gjatë rezervimit.

Në rast mospërputhjeje ndërmjet kësaj Politike dhe Kushteve të Përdorimit, Kushtet e Përdorimit kanë përparësi, përveç nëse përcaktohet ndryshe.

32Ndryshimet në këtë Politikë

Perdore.app mund ta përditësojë këtë Politikë herë pas here për të reflektuar ndryshime në ligj, funksionalitete, pagesa, mënyrën e rezervimit ose praktikat e sigurisë.

Versioni më i fundit do të publikohet në këtë faqe.

Nëse ndryshimet janë të rëndësishme, Platforma mund të njoftojë përdoruesit ose të kërkojë pranim të ri të politikës.

33Ligji në fuqi dhe juridiksioni

Kjo Politikë rregullohet nga ligjet e Republikës së Kosovës.

Çdo mosmarrëveshje që nuk zgjidhet miqësisht ndërmjet palëve mund t'i nënshtrohet institucioneve dhe gjykatave kompetente në Republikën e Kosovës, përveç rasteve kur ligji parasheh ndryshe.

34Kontakti

Për pyetje, raportime ose kërkesa lidhur me këtë Politikë të Qirasë, mund të na kontaktoni në: